Alejandro Fernández gañou por sexta vez a San Martiño

Festa en Ourense coa San Martiño. Foi nunha edición especial que contou coa presencia da plusmarquista mundial e subcampioa olímpica dos 10 quilómetros, a atleta de Bahrein Kalkidan Gezahegne. Había dous mil deportistas na saída e un protagonista, o atleta local, Alejandro Fernández.

Alejandro Fernández gañou por sexta vez a San Martiño, vinte e nove trinta e tres. O único que baixou da media hora.

Gezahegne entrou na cuarta praza gañando na súa categoría, batendo o récord da proba, e só sendo superada polo podio masculino.