Belén Toimil non consegue clasificar á final dos Europeos de Atletismo
A mugardesa quedou 14ª na proba de clasificación cunha marca de 16.79
Nestes campionatos participarán, ademais de Toimil, 6 atletas galegos
@atletismoRFEA
Belén Toimil caeu na rolda de clasificación e non disputará a final dos Campionatos de Europa. A lanzadora de peso de Mugardos fixo a 14ª mellor marca con 16,79, a dous postos de entrar na gran final desta tarde.
Participación galega nos Campionatos de Europa
A expedición española conta con 6 galegos máis para este Europeo. Adrián Ben participará na proba de 1500 metros. Na marcha Galicia terá tres representantes: os irmáns Chamosa, Daniel e Antía, e Aldara Meilán. Estas dúas últimas farán equipo coa medallista olímpica María Pérez na media maratón marcha, e Daniel Chamosa fará a maratón marcha. Na maratón feminina estará Ester Navarrete, e Yulenmis Aguilar participará no lanzamento de xavelina.
Os Campionatos de Europa comezaron hoxe e rematarán o día 16. Estes son os horarios dos galegos.
Horarios dos galegos nos Campionatos de Europa de Atletismo (hora aproximada)
Adrián Ben: 14/08 á 13:05 clasificación; 15/08 ás 22:07 posible Final
Antía Chamosa e Aldara Meilán: 15/08 ás 08:30
Daniel Chamosa: 15/08 ás 08:30
Ester Navarrete: 16/08 ás 08:30
Yulenmis Aguilar: 14/08 ás 11:40 clasificación; 16/08 ás 20:55 posible final
