Cada vez máis afluencia de turistas no interior de Galicia

Galicia recibe moitos visitantes na costa, pero tamén cada vez máis no interior da nosa comunidade. O patrimonio, a paisaxe ou a gastronomía son algúns dos motivos que atraen cada vez máis turistas cara ao interior de Galicia.

En Ourense, por exemplo, os hoteis teñen unha ocupación do 95 por cento durante o mes de agosto, cifras que se manteñen tamén durante a primeira quincena do mes de setembro.

A Ribeira Sacra e a cidade de Ourense seguen a ser os lugares máis visitados da provincia.