'Influencers' estadounidenses e italianos promoven o Camiño na nova campaña de Turismo de Galicia

Son os primeiros pasos Eric Rubens en Galicia, no Cebreiro, comezando a súa ruta a Santiago.

"Como son de California encántame a vida ao aire libre, sabía que esta ruta te leva a través das montañas, de paisaxes históricas. Son fotógrafo da natureza e tiña moitas ganas de vir aquí", explica Eric Rubens, fotógrafo especializado en viaxes.

E as súas primeiras impresións non podían ser mellores.

"Cando viñamos no coche e vin as montañas, a paisaxe espectacular e as oportunidades de retratar o amencer e o atardecer só quería baixar do coche e empezar a sacar fotos", di Eric.

Especializado na fotografía de viaxes é un dos influencers estadounidenses que participa na campaña de Turismo de Galicia para promover o Camiño nos seus países.

"Moi agradecidos a Turismo de Galicia, esta experiencia é un exemplo de como United Airlines te leva a un lugar incrible e único. Será incruble para todos os estadounidenses poder vir e vivir esta experiencia", engade Rubens.

Formaba parte da pasaxe do primeiro voo en Santiago e Nova York, así llelo amosaba aos seus medio millón de seguidores.

"É incrible que United vaia empezar a voar tres veces por semana para conectar a todos e gozar das paisaxes, da comida da cultura", di Linda Yuen, directora de Marketing de United Airlines.

O numero de turistas estadounidenses que veñen a Galicia non para de medrar, máis do 8,5 pro cento o ano pasado.