A maioría do turismo internacional nas Rías Baixas durante o verán provén do norte de Portugal

Como o que crava a bandeira do seu país os nosos veciños portugueses son os máis madrugadores niso de afincar os parasois para gozar dun día completo de praia. Compartimos Océano, pero na franxa Atlántica portuguesa os areais son máis abertos, máis profundos e crebados e, se cabe, de augas máis frías.    

Este sábado nós falamos con portugueses de Felgueiras, de Braga, de Porto... Chegan a Samil en menos de hora e media e iso é outro factor que explica a querencia dos lusos ás Rías Baixas, especialmente a Baiona, a Vigo e a Sanxenxo.