Apatrigal lamenta que algúns comerciantes de Santiago ofrezan cadeados aos turistas

A asociación en defensa do patrimonio galego alerta contra dos danos que poden causar os cadeados que algúns turistas deixan nas reixas da zona histórica de Santiago. O costume fora a menos, pero volven verse desde que algunhas tendas de recordos os ofrecen aos turistas.

 "É unha consecuencia do turismo de masas e un acto fetichista. Nós recibimos a foto dun establecemento de Compostela que incita a mercar cadeados e poñelos no patrimonio. E que os ofreza alguén de Santiago é o que máis riba nos dá", declarou Carlos Henrique Fernández Coto, o Presidente de Apatrigal

Xa foron retirados dos bancos de Sargadelos da alameda, porque estragaban o metal e a imaxe da cidade. En Apatrigal din que é un acto que constitúe unha falta de respecto ao patrimonio de todos.