Amantes do debuxo quedan en Lugo cada semana para retratar recunchos da cidade

Calquera espazo pode ser retratado e o seu caderno é unha historia feita debuxo. Estamos a falar de ilustradores da realidade que na súa denominación en inglés se coñecen como urban sketchers. 

Armados cun caderno e pintura ou lapis, acostuman quedar en grupo para debuxar. Observan o que os rodea, pintan o que ven, e levan un anaco de realidade no seu caderno. 

A comunidade de ilustradores urbanos do cotián é un movemento mundial que anima a debuxar e coñecer o que outros pintan a través das redes sociais. En Lugo, o colectivo creouse hai un ano e cada día conta con máis integrantes.