Antía Jácome, Adrián Sieiro e Roi Rodríguez estarán na Copa do Mundo de piragüismo

O encoro de Pontillón de Castro en Verducido foi escenario este xoves do selectivo nacional de Sprinte para embarcacións de equipo, un selectivo clasificatorio para a I Copa do Mundo de Sprinte que se celebrará en Szeged, Hungría. O K2 500 tripulado por Alberto Llera e o vigués Roi Rodríguez logrou a clasificación para o Mundial, así como tamén o C2 de Daniel Grijalba e o pontevedrés Adrián Sieiro. Tamén entrou entre as elixidas a pontevedresa Antía Jácome a carón da madrileña María Corbera. Fixérono como as segundas clasificadas por detrás de Moreno e Yarchevska.