Antonio Serrat acada o bronce no mundial de dúatlon de Pontevedra

Comezou en Pontevedra o Mundial de Multideporte que traerá ao longo de toda a semana os mellores triatletas do mundo.

Fíxoo coa proba de duatlon na que participaba o galego Antonio Serrat. O vigués estivo en cabeza no sector de bicicleta e durante boa parte da carreira a pé. Pero no treito final apareceron os franceses Benjamin Choquert e Arnaud Dely que conseguiron acabar por diante.

Serrat acabou a só catro segundos do gañador e co mesmo tempo que o segundo pero acabou levando a medalla de bronce.