Adíase o funeral de Estado polas vítimas de Adamuz a petición dos familiares

O Goberno e a Junta de Andalucía acordaron pospoñer o funeral de Estado polas vítimas do accidente de Adamuz que ía celebrarse o próximo 31 deste mes de xaneiro, segundo informaron este domingo fontes do Executivo central.

Estas mesmas fontes explicaron que tras falar cunha ampla maioría das familias das vítimas, o Executivo central trasladou á Junta de Andalucía que a un número importante delas resultaríalles imposible asistir á Homenaxe de Estado o 31 de xaneiro e que moitas outras prefiren que se celebre máis adiante.

Ante esta situación, ambas as administracións acordaron pospoñer a celebración da homenaxe a unha nova data a fin de contar co maior número posible de familiares.