A xuíza do caso Adamuz detecta 42 metros de vía retirados sen permiso
A maxistrada ordenou á policía xudicial o precinto e custodia dese material
A Fiscalía Europea investiga se se malversaron fondos comunitarios para as obras das vías de Adamuz
Traballos de retirada dos trens das vías tras o sinistro. Europa Press.
A xuíza de Montoro que investiga as causas do accidente ferroviario de Adamuz, Cristina Pastor, atopou 42 metros de vía que se retiraron do lugar do sinistro sen o seu permiso.
Nunha providencia, a xuíza ordena o precinto e custodia dos 42 metros de vía que se retiraron do lugar do accidente ferroviario e do que non se dera parte á autoridade xudicial, segundo sinalaron a EFE fontes próximas ás investigación.
Nas instalacións do Adif en Hornachuelos (Córdoba) tamén se atopan outros 36 metros de vía da que o tribunal de Montoro xa tiña constancia. A maxistrada ordenou á policía xudicial o precinto e a custodia do material recollido polo Adif do lugar do sinistro e que o tribunal inspeccionou o pasado martes.
Na providencia, a xuíza sinala o Adif como responsable do material que queda baixo a súa custodia como depositario que podería incorrer en responsabilidades en caso de incumprimento. Tamén lembra que non hai autorización para ningunha proba sobre este material ata que se designen peritos xudiciais.
