Activan un operativo para buscar un veciño de Caldas de Reis desaparecido
O home desapareceu este mércores en Gándara, na parroquia do Saiar
Prégase que calquera información sobre o seu paradoiro se notifique ao 062 ou ao 112
Europa Press / Garda Civil / Arquivo
Os servizos de emerxencias participan nun operativo de procura para localizar a Jamer Darío Echavarría Betancur, veciño de Caldas de Reis que desapareceu este mércores en Gándara, na parroquia do Saiar.
A alerta da desaparición chegou ao 112 Galicia o mércores ás 15:10 horas.
O Concello pediu a colaboración dos veciños para axudar nos labores de procura. Especificouse que, cando desapareceu, Jamer levaba unha camiseta vermella, pantalón curto verde e chancletas negras.
No operativo colaboran a Protección Civil de Curtis, de Portas e de Catoira e axentes da Garda Civil, que mobilizou un helicóptero.
O Concello de Caldas de Reis tamén pediu que calquera información que se teña respecto ao paradoiro de Jamer Darío se notifique a través dos teléfonos 062 e 112.
