Xornada de aviso laranxa por calor en zonas de Ourense e Pontevedra
Suspéndese a actividade deportiva federada en exterior nos concellos de Ourense e do interior de Pontevedra
Segue o aire cálido, pero baixan as temperaturas no litoral
O Plan de Actuacións da Xunta de Galicia fronte aos posibles efectos das altas temperaturas na saúde sitúa en nivel laranxa os concellos da zona do Miño de Ourense, a montaña e o noroeste de Ourense, Valdeorras e o interior de Pontevedra.
Nesta liña, tamén queda suspendida toda actividade deportiva federada no exterior na xornada de hoxe en 58 concellos de Ourense, que se suman aos xa 16 do interior de Pontevedra que xa tiveron esta prohibición. Só se permiten as actividades acuáticas.
Segundo a previsión realizada por MeteoGalicia, persiste o aire cálido xa común nestes días, pero baixan as temperaturas no litoral pola entrada de brétemas.
Por outro lado, os concellos do interior da Coruña xa están en nivel amarelo por calor.
