A Xunta destina 8 millóns de euros a axudas para modernizar os polígonos industriais

A Xunta destinará este ano máis de 8 millóns de euros á mellora dos parques empresariais galegos. Será a través de tres liñas de axuda que anunciou o vicepresidente económico esta mañá, nunha visita ao polígono industrial de Chantada.

A convocatoria abrirá o próximo mércores, 26 de xaneiro, co obxectivo de impulsar melloras que permitan captar novos investimentos no tecido produtivo. Francisco Conde salientou o potencial do rural galego para xerar emprego e industria.