A xuíza considera que o mantemento da pasarela de Santander corresponde a Costas
A maxistrada acordou dirixir acción penal contra o xefe de servizo de proxectos e obras da Demarcación e contra o director de Obras do proxecto da senda costeira en 2012
A xuíza que instrúe a causa polo suceso de El Bocal en Santander, en que morreron seis mozos, considera que é a Demarcación de Costas, dependente do Ministerio para a Transición Ecolóxica, "a única responsable" de garantir a adecuada conservación e mantemento" da pasarela que se rompeu.
Por iso, acordou dirixir acción penal contra dous funcionarios dese organismo: o xefe de servizo de proxectos e obras da Demarcación e o director de Obras do proxecto da senda costeira en 2012, que é o xefe dese departamento.
Nun auto, ditado este martes, 24 de marzo, e cuxo contido dá a coñecer nunha nota de prensa o Tribunal Superior de Xustiza de Cantabria, a maxistrada que leva a causa insiste en que Costas é "a única responsable do mantemento das unidades de obras executadas" na senda peonil en que está a pasarela que colapsou.
