A voz dos afeccionados vaise sentir máis na nova programación de Deportes da Galega
O veterán En Xogo renóvase tras 40 anos en antena
Lorena Pose e Sevi Martínez, caras que se incorporan
Tarde de fotos de presentación. Continúan uns, como Irene Lourido, na fin de semana e recuncan outros. Tras 5 anos tras as cámaras, Lorena Pose volve a dar a cara no Telexornal Serán.
Con moitísima ilusión e acompañada de grandes profesionais cos que sempre compartín espazo de traballo, entón encantadísima.
Outros cambian de cometido. Terio Carrera madruga para o Bos días e Sevi Martínez é a novidade nos deportes mediodía e nun novo En xogo, renovado tras 40 anos, no que o acompañará Gustavo Varela.
Estou encantado. Queremos potenciar a presenza do Celta, de Deportivo, tirar da xente e das cousas que pasan na Internet, explica Sevi Martínez.
O obxectivo é achegarse aínda máis ao que lles interesa aos afeccionados, asegura Xoán Galán., coordinador de Deportes da CSAG.
Cando a xente saia do estadio desgutada ou contenta ou cabreada aí estará un micro da TVG.
E ás cousas de proximidade que lle interesan á cidadanía galega que é á que nos debemos explica a presentadora dos deportes 'Telexornal serán'.
Así que a partir do vindeiro luns, día 8, os protagonistas do deporte galego e as opinións dos seus seguidores aínda máis próximos e para todas as idades na Galega.
