A vexetación que arrastran os ríos agrava o risco de enchentes
Pólas e troncos arrincados polos temporais taponan o paso da auga
O impacto da madeira nas pontes aumenta o risco de colapso
A forza da auga e do vento arrastra cara aos ríos un perigo engadido, a madeira. As pólas bloquean o paso da auga aumentando o risco de desbordamentos.
Nos momentos en que o temporal o permite, os operarios dos concellos afánanse en retirar a vexetación de puntos máis sensibles, coma a zona inundable do Lamego, en Rois.
Amais, o impacto continuado dos troncos sobre os piares das pontes poden facelos colapsar. Iso foi o que sucedeu o luns en Vidaloíso, no concello de Brión.
Riscos que obrigan a sinalizar e pechar o paso nalgunhas zonas de ribeira, polo menos ata que baixen os caudais e se poida entrar a limpar os restos vexetais deste longo tren de borrascas.
