A vendima no Ribeiro avanza cunha uva de boa calidade, pero baixa ata un 30 % a cantidade

A vendima aínda non rematou no Ribeiro, pero os viticultores xa avanzan que a deste ano vai ser unha colleita de calidade excelente.

Iso si, moi boa calidade, pero menor cantidade. Ata un trinta por cento menos, calculan. Unha primavera chuviosa e o tempo seco e caloroso deste verán son os responsables desta mingua. Con todo, o balance da vendima polo de agora está resultando moi satisfactorio, sobre todo pola boa calidade que agardan para este ano.