Unha tormenta deixa en Menorca asolagamentos e árbores caídas
Unha tormenta deixa en Menorca asolagamentos e árbores caídas
Ciutadella foi unha das zonas máis afectadas, con refachos de vento que acadaron os 107 quilómetros por hora
En Menorca as incidencias ocasionadas pola tormenta de chuvia ao longo da madrugada cóntanse por decenas. Comezou ás dúas da mañá e en algo máis dunha hora, a auga, a sarabia e os lóstregos chegaron a toda a illa.
Ciutadella foi unha das zonas máis afectadas, con refachos de vento que acadaron os 107 quilómetros por hora. Inundacións en domicilios, hoteis, estradas asolagadas e árbores caídas son os rastros que deixou unha noite axitada para a poboación.
No aeroporto acumuláronse 91 litros de auga por metro cadrado, dos que preto de corenta caeron en só dez minutos.
A Axencia Estatal de Meteoroloxía mantén activo o aviso laranxa por tormentas tanto na illa coma en todo o arquipélago.
