A rotura dunha tubaxe deixa sen auga a avenida das Carolinas, en Vilagarcía
Non é a primeira vez que rompe o tubo noutro punto da rede principal
A instalación ten máis de 50 anos
A avaría producíase na madrugada do domingo á altura do número 58 da avenida das Carolinas, ao romper unha das tubaxes principais da rede de subministración de auga.
Operarios da empresa concesionaria traballaron desde primeira hora para solucionar o dano que afectou aos veciños de varias rúas do barrio que sufriron cortes de auga ou baixada de presión no caudal durante toda a mañá.
Non é a primeira vez que se produce unha rotura na tubaxe xeral que subministra auga a esta zona. Quéixanse de que cada vez que rompe se faga unha reparación en lugar de cambiala por completo.
Contra as dúas da tarde a incidencia quedou resolta e os veciños recuperaron a subministración de auga.
