A Primeira Federación verase na Televisión de Galicia
A CRTVG chegou a un acordo coa posuidora dos dereitos para emitir partidos
Este domingo retransmitirase o Deportivo-Celta Fortuna desde Riazor
Haberá fútbol de Primeira Federación na Televisión de Galicia. A CRTVG e a posuidora dos dereitos, ATM, chegaron a un acordo para a cesión de partidos que serán emitidos por G2 e G24.gal/deportes.
O primeiro partido xa é un prato forte, o derbi de Riazor que van xogar o Deportivo e o Celta Fortuna, este domingo a partir das 19:00 horas.
🚨🚨🚨🚨🚨
— En Xogo tvG2 (@EnXogo_tvG2) October 5, 2023
𝘼 1ª 𝙍𝙁𝙀𝙁 𝙫𝙤𝙡𝙫𝙚 a 🅴🅽 🆇⚽️🅶⚽️@EnXogo_tvG2 @TVGalicia
🏟️ Comezamos este domingo en Riazor@RCDeportivo 🆚 @CanteiraCeleste
⌚️19:00 pic.twitter.com/ifQrFc06JH
Ao igual que os dous últimos anos, estaremos moi pendentes dos nosos equipos da terceira categoría do fútbol español. A temporada pasada o Rácing acadou o ascenso, o Deportivo quedou ás portas e o Celta Fortuna quedou eliminado na fase de ascenso.
Para este ano o Deportivo sae co obxectivo claro de volver ao fútbol profesional, o Lugo fixo un proxecto ambicioso, o Celta Fortuna con grandes talentos que agroman no fútbol galego e o Arenteiro é a ilusión personificada de estrearse na categoría máis alta á que chegou na súa historia.
