A norteamericana Myah Selland apuntala o proxecto do Baxi Ferrol na Liga Endesa
Con 24 anos de idade e 1,85 metros de altura, recala no combinado local procedente da Universidad de Dakota e asina por unha temporada
A xogadora, de 24 anos e 1,85 metros, procede da Universidade de Dakota do Sur, promediando este ano 16.1 puntos, 6,4 rebotes, 2,4 asistencias e 29,1 minutos. Este verán participou no Training camp de Minnesota Lynx sendo cortada no último momento, antes do inicio da WNBA.
Myah é unha xogadora polivalente que tanto pode xogar interior como exterior e que vivirá a súa primeira experiencia profesional en España.
O adestrador do equipo ferrolán, Lino López, destaca estes aspectos sobre a nova xogadora do cadro departamental:
“Myah foi líder na súa universidade de South Dakota St e é unha xogadora moi polivalente en ataque, con moita capacidade para xerar en 1x1 e ao poste, e as súas lecturas e capacidade para pasar fai mellores ás súas compañeiras. En defensa, a súa polivalencia permítelle defender a exteriores e interiores, igual que a maioría das xogadoras do equipo. Esta será a súa primeira experiencia en LF Endesa, pero seguro que a súa personalidade, profesionalidade e a súa ambición faranlle adaptarse moi pronto ao equipo e á liga”.
Desta forma, coa fichaxe de Myah Selland o equipo xa dispón de dez xogadoras tras anunciar a continuidade de Claudia Soriano, Jessica Fequiere, Marta Gómez, Marianne Kalin e Ángela Mataix, así como as fichaxes de Gala Mestres, Rachel Howard, Anniina Aijanen e Julie Pospisilova.
Myah Selland, nueva jugadora del BAXI Ferrol 2023-24.
— Baxi Ferrol (@UniFerrol) June 13, 2023
La polivalente jugadora de South Dakota apuntala el proyecto ferrolano, tras una exitosa etapa universitaria.
Con muchas ganas de disfrutar juntos @mypy44.
+info: https://t.co/kwZeSGkMwX#ContamosContigo pic.twitter.com/HZeMLfYLuT
