A neve obriga a cortar a circulación na A-52 e provoca problemas na A-6 en Pedrafita
A neve obrigou esta tarde a cortar a circulación na A-52 entre os km 79 e 112 en ambos sentidos. O corte afecta as provincias de Ourense e Zamora dende A Canda ata Triufé.
A Garda Civil de Tráfico está facendo parar os vehículos pesados en Riós, na provincia de Ourense e en Pobra de Seabra, na provincia de Zamora.
Tamén está cortada a N-525 entre as provincias de Zamora e Ourense, dende os km 91 ao 115, dende Terroso ata A Canda.
A neve e o xeo están provocando tamén problemas para circular na A-6. As dificultades rexístranse entre os quilómetros 428 e 432 entre Pedrafita do Cebreiro e Laballos, nas provincias de Lugo e León. Os vehículos pesados teñen prohibido adiantar. Moitos camións están xa parados en Pedrafita.
#NEVADA nivel NEGRO en #A52 (pk 79 al 112 ambos sent.) TRIUFE #DGTZamora #DGT https://t.co/8KR5J1cns6
— D.G.T. (@InformacionDGT) January 30, 2026
En Pedrafita do Cebreiro, na estrada Lu-633 está prohibido o adiantamento para vehículos pesados entre o km 0 e o 20.
