A muller achada morta nun colector no Carballiño pediu axuda en dous bares e dixo que a querían matar

O bar San Cristóbal  situado na avenida do Balneario do Carballiño foi o primeiro ao que entrou Mila Marchetti, a muller atopada morta entre o lixo na planta de transferencia de residuos do Carballiño. Eran preto das dúas da tarde do sábado.

Aos propietarios estrañoulles a vestimenta e o estado de nerviosismo no que estaba. Ao saír, cruzou a estrada e entrou no bar da estación de autobuses, onde esta mañá declinaban falar a cámara sobre o sucedido. Neste local a muller explicaría que tiña moito medo e necesitaba axuda porque querían matala.

Ao igual que acontecera no outro local, cando lle ofreceron dar aviso á policía, negouse e marchou. Pouco despois era localizada pola Garda Civil camiñando pola autovía e foi trasladada ata o PAC, de onde marchou tras ser atendida.

A muller casara había uns días co fillo do propietario dun club de alterne de Maside, onde traballaba de camareira, malia que levaba cinco meses de baixa.

A Garda Civil está a investigar as circunstancias nas que puido falecer a muller e non descarta ningunha hipótese.