A internacional belga Ine Joris, segundo reforzo do Baxi Ferrol
Joris afirmou que está "moi contenta" de incorporarse ao Baxi Ferrol e sinalou que ten "moitas ganas de coñecer" as súas novas compañeiras
O Baxi Ferrol anunciou este luns a fichaxe da internacional belga Ine Joris, procedente do Osés Construción Ardoi navarro, como segundo reforzo para a próxima tempada.
Joris, de 1,88 metros e que xoga como pivote, naceu en 2001 e abrirá en Ferrol o seu segundo curso en España tras incorporarse ao Ardoi o ano pasado. Únese a un cadro en que tamén se estreará Karla Erjavec, do Spar Gran Canaria, e na que continuarán Branca Millán, Moira Joiner e Gala Mestres, que será a súa nova capitá tras a marcha de Àngela Mataix.
Nun vídeo difundido polo club naval en redes sociais, Joris afirmou que está "moi contenta" de incorporarse ao Baxi Ferrol e sinalou que ten "moitas ganas de coñecer" as súas novas compañeiras e de completar "unha tempada incrible"
