A historia e a tradición do polbo no Carballiño
Xa no século dezasete a igrexa permitíalles ás mulleres de Arcos cocer o polbo libremente nas feiras a encargo do mosteiro de Oseira
Seguro que se escoitan falar do polbo á feira, rapidamente relacionan este prato, un dos máis relevantes da gastronomía galega, co Carballiño.
Unha localidade con séculos de historia as costas en canto a súa preparación.
Nesta vila ourensá falar de polbo son palabras maiores, porque é algo máis que gastronomía, forma parte da súa historia dende hai séculos.
Varias xeracións, sobre todo mulleres, gardan o segredo para elaborar un prato cuxa sona traspasa fronteiras.
Aseguran que a calidade da materia prima é fundamental, tamén a experiencia acumulada durante moitos anos.
Pouco importa que esta sexa unha vila de interior, o mar sempre está presente no seu prato máis emblemático.
