A Garda Civil investiga quen está detrás do incendio dun camión e un coche en Silleda
Varias testemuñas viron saír correndo unha persoa cun bidón na man
Outro camión estaba preparado co palla nas rodas para ser incendiado
A empresa á que pertence o camión cree que pode ser unha sabotaxe
A Garda Civil investiga quen pode estar detrás do incendio dun camión de traslado de animais, da empresa silledense Nudesa, que afectou a outro vehículo particular estacionado a carón del na rúa Camiño do Castro, de Silleda.
Varias persoas que saían dun bar próximo, viron saír correndo unha persoa cun bidón na man.
Desde a empresa falan dunha posible sabotaxe, xa que atoparon preparado para incendiar outro camión aparcado xusto detrás. Descoñecen que puido motivar o ataque.
O lume calcinou a cabina do camión e tamén gran parte do vehículo aparcado ao seu carón.
Tras presentar unha denuncia ante a Garda Civil, agora a súa propietaria debe agardar ao que se desprenda da investigación dos axentes especializados en incendios.
Grazas á declaración das testemuñas, as forzas de seguridade poderían ter identificado o autor, aínda que de momento non se produciu ningunha detención.
