A Fiscalía pide para Santi Mina, xogador do Celta, oito anos de prisión
A acusación particular pide para Santi Mina e David Goldar nove anos e medio de cadea
Segundo o informe dos forenses: a vítima tiña lesións “compatibles” co relato e secuelas como “ansiedade”, “tristeza cronificada” e “nervios”
Están acusados dunha presunta agresión sexual a unha moza nunha furgoneta en Mojácar en 2017
A Audiencia Provincial de Almería reiniciou o xuízo contra os futbolistas David Goldar e Santi Mina por un presunto delito de agresión sexual.
Os dous xa declararan o luns pasado e aseguraron que as relacións foran consentidas. A Fiscalía pide para Santi Mina, xogador do Celta, oito anos de prisión e solicitou o sobresemento para o outro acusado. A acusación particular pide para ambos os dous nove anos e medio de cadea.
Os feitos remóntanse a 2017 e hoxe está previsto que declaren cinco axentes da garda civil, tres detectives privados e tres peritos.
Segundo o informe dos forenses: a vítima tiña lesións “compatibles” co relato e secuelas como “ansiedade”, “tristeza cronificada” e “nervios”
O forense di que detectou 4 lesións extraxenitais e unha xenital.
