A Fiscalía pide oito anos de cárcere para Shakira por defraudar 14,5 millóns de euros

A Fiscalía de Barcelona pide oito anos e dous meses de cárcere para a cantante Shakira, á que acusa de seis delitos contra a Facenda pública por defraudar 14,5 millóns de euros entre os anos 2012 e 2014, simulando que non residía en España.

O ministerio público presentou o seu escrito de acusación perante o Xulgado de Instrución número 2 de Esplugues de Llobregat, despois de que a Audiencia de Barcelona avalara que debe ir a xuízo, ante os indicios de que desde 2012 residía en España e, por tanto, estaba obrigada desde entón a tributar neste país.

A artista colombiana, que xa devolveu os 14,5 millóns que lle esixía a Axencia Tributaria e outros tres de xuros -o que non impide que sente no banco-, está procesada por mor dunha querela que a Fiscalía de Barcelona presentou contra ela por seis delitos contra a Facenda pública.