A Fiscalía pide dous anos e medio de cárcere para o xogador do Real Madrid Raúl Asencio

A Fiscalía presentou este venres un escrito de acusación no que solicita dous anos e medio de cárcere para o xogador do Real Madrid Raúl Asencio por dous delitos contra a intimidade logo de compartir, supostamente, un vídeo de contido sexual de dúas mozas de 16 e 18 anos. 

Segundo o escrito de acusación, o Ministerio Público sinala que Asencio tería cometido estes delitos mentres que aos tres excompañeiros da canteira -Andrés García, Ferrán Ruiz e o galego Juan Rodríguez- atribúeselles ademais o delito de distribución de pornografía infantil xa que unha das rapazas era menor de idade.