A festa do salmón da Estrada reparte máis de 5.000 racións nunha degustación popular

"A festa do salmón é unha cita que para todos os estradenses está marcado no calendario porque é o arranque do calendario festivo aquí na Estrada", di unha das persoas que acudiu á festa.

O salmón é o gran protagonista desta festa con tapas, menús especiais e a gran degustación popular, que cada ano reúne unha multitude de persoas no centro da Estrada.

O evento conta este ano coa participación de 18 restauradores, cada un coa súa proposta nesta degustación popular. Cada establecemento participante pode presentar unha o dúas propostas culinarias. 

"Presentamos un salpicón de salmón, unha receita que levamos moitos anos facendo, está tendo boa acollida e esperamos que lle guste a todo o mundo", comenta unha restauradora.

O prezo da degustación rolda os 4 euros. Prevese repartir máis de 5.000 racións. Este ano esperan batir récords de participación.

"Isto cada día supérase máis", "Está todo moi bo", "Moi ben, a festa do salmón é un éxito garantido", din algúns comensais.

A Festa do Salmón da Estrada naceu en 1974 como un xeito de poñer en valor un dos recursos naturais más emblemáticos da comarca: o salmón do río Ulla. 

Co paso dos anos, esta celebración converteuse nunha das grandes citas gastronómicas da zona.