A feira XuvenLugo oferta atraccións e inchables para a rapazada durante o Nadal

O Pazo de Feiras e Congresos acolle ata o vindeiro 4 de xaneiro a feira de lecer XuvenLugo 2025. Dirixido ao público infantil, ofrece atraccións, inchables, xogos e actividades deportivas.

Nestas xornadas de frío, convértese nunha das opcións preferidas das familias que estes días teñen a rapazada na casa durante as vacacións do Nadal.

Como novidade, este ano é posible mercar as entradas a través da Internet, na páxina web xuvenlugo.com, co obxectivo de evitar as colas na entrada.