Cargando resultados...
A chegada dunha masa de aire africano baixa a calidade do aire en Vigo e Santiago
Segundo os datos de MeteoGalicia, a calixe fará que os niveis de partículas se poidan ver incrementados
IMAXE: Medidor da calidade do aire de MeteoGalicia (TVG)/Directo: cámara web da CSAG con movemento de 180º situada na azotea do hotel Bahía de Vigo
G24.gal
04/03/2026 10:24
A chegada dunha masa de aire africano a Galicia provocou unha baixada na calidade do aire a 'regular' en varios puntos da comunidade galega, especialmente en Vigo e Santiago.
Segundo os datos de MeteoGalicia, a calixe fará que os niveis de partículas (PM) se poidan ver incrementados. Onde máis o fixeron, polo momento, é na zona de Vigo e Santiago. Tamén notifican unha baixada na calidade do aire en puntos da zona sur de Lugo e noroeste de Ourense.
