A CIAIM conclúe o informe do naufraxio do Villa de Pitanxo
Comunicouno este mesmo venres ás partes
A comisión de investigación de accidentes e incidentes marítimos (Ciaim) concluíu o informe definitivo sobre o naufraxio do Villa de Pitanxo este venres e así se lle comunicou ás partes, segundo fontes consultadas por Europa Press.
Este organismo xa entregou un informe preliminar que foi cuestionado pola armadora do Villa de Pitanxo, Pesqueira Nores, e que apuntaba a un erro do patrón como causa do naufraxio no que faleceron 21 dos seus 24 tripulantes.
Na súa reunión deste martes, o informe non se pechara, de modo que a comisión de investigación de accidentes e incidentes marítimos continuou coa súa discusión este venres.
O maxistrado da Audiencia Nacional, Ismael Moreno, titular do Xulgado de Instrución 2, acordou o pasado mes de setembro unha nova prórroga na investigación xudicial. Para ela considera fundamental o informe definitivo deste comité técnico.
O buque de Pesqueiras Nores naufragou o 15 de febreiro de 2022 en augas de Terra Nova. A bordo ían 24 persoas, das que só sobreviviron o capitán, Juan Padín, o seu sobriño Eduardo Rial e o mariñeiro Samuel Kwesi Koufie. Os cadáveres de 12 tripulantes non foron localizados.
Un informe anterior deste comité, dependente do Ministerio de Transportes, responsabilizaba precisamente o capitán do naufraxio.
