A cidade da Coruña preparada, para celebrar o posible ascenso do Dépor

Botamos unha ollada ás fachadas dos edificios... desde balcóns e ventás... no mercado, con bandeiras, globos e camisetas... nos bares e nos comercios.. Si... A cidade está entregada co Dépor. 

A cita é o domingo ás sete da tarde, pero o ambiente previo xa é espectacular. Difícil encontrar teas brancas e azuis nas tendas de retallos.

Na contorna do estadio está todo preparado. Agárdese un cheo en Riazor. E os que non teñan entrada poderán seguir o partido en pantallas xigantes. 

A Coruña está co seu equipo e pensando en positivo a pesar das dificultades e decepcións dos últimos anos.

Haberá un servizo especial de autubuses, e desta volta todos pensan en rematar nunha, engalanada xa, fonte de Catro Camiños.