A carne de vacún e os ovos, os alimentos que máis se encareceron en marzo
O INE eleva ao 3,4 % a repunta da inflación en marzo pola repunta dos carburantes
Galicia foi a segunda comunidade autónoma coa alza de prezos máis alta cun 3,8 %
Ovos nun supermercado. Jesús Hellín/Europa Press.
O pasado marzo, os ovos e a carne de vacún foron os alimentos con máis inflación, con aumentos do 21,2 % e do 13,7 %, respectivamente.
Segundo o índice de prezos de consumo (IPC), publicado polo Instituto Nacional de Estatística (INE), os prezos dos alimentos e bebidas non alcohólicas aumentaron en conxunto un 2,7 %. Ademais, tamén destacaron os datos da moderación ao encher a cesta da compra.
Transportes
Outro dato que aumentou foi a inflación, que se elevou ao 3,4 %, segúndo o Instituto Nacional de Estatística (INE). O encarecemento dos combustibles debido á guerra en Oriente Medio, supuxo unha décima máis respecto ao dato adiantado e 1,1 puntos máis respecto á taxa rexistrada en febreiro.
De acordo cos datos publicados polo INE, o grupo que máis influíu na subida foi o do transporte, cun 5,3 % interanual polo encarecemento dos combustibles e lubricantes para vehículos privados.
Inflación en Galicia
Os prezos incrementáronse en Galicia un 3,8 % en marzo, co transporte como o grupo que máis encareceu (5,4 %), nun mes marcado pola subida dos combustibles.
Galicia foi a segunda comunidade autónoma coa inflación máis alta en marzo, só por detrás de Madrid, segundo os datos publicados este martes polo Instituto Nacional de Estatística (INE).
Todos os grupos rexistraron taxas de inflación positivas en marzo en termos interanuais; a máis elevada foi nos transportes, cunha alza do 5,4 %. Seguíronos a vivenda, que encareceu o 5,3 %; os restaurantes e aloxamentos, o 4,5 %; os seguros e servizos financeiros, o 4,4 %; as bebidas alcohólicas e o tabaco, o 4,1 %, e a roupa e o calzado, o 3,7 %.
