A carne de boi galego cotiza entre as de maior calidade do mundo
Cociñeiros madrileños coñeceron nunha explotación luguesa como é a cría tradicional dos bois de Raza Rubia Galega
Unha xornada organizada pola gandaría O'Pireiro e o Asador Gonzaba, que contou co embaixador mundial do xamón Ibérico
Na aldea de Grolos, no municipio de Guntín, pastan entre carballos e ao carón do río os bois da gandaría O'Pereiro.
Esa alimentación en extensivo é clave para conseguir unha das carnes máis ricas e mellor valoradadas do mundo. Para o empresario hostaleiro José Fernández, "o boi rubio galego é un produto que temos en Galicia, que é excepcional. Un produto fóra de serie, boísimo, pola climatoloxía e os pastos que temos".
Unha raza autóctona pola que leva anos apostando Antonio Pireiro. Este gandeiro e a súa familia reorientaron a actividade da explotación familiar e conta na actualidade con vinte e dous exemplares de entre 6 e 18 anos. Ningún dos seus bois vai ao matadoiro antes dos dez anos, cando o mínimos son catro. Esta maduración fai que a carne sexa máis compacta e un sabor máis intenso ca o da vaca vella ou Suprema.
Restauradores madrileños tiveron a oportunidade de coñecer a cría tradicional dos bois de Raza Rubia Galega e probar a súa carne, que cotiza entre as de maior calidade do mundo froito desa alimentación e a crianza en liberdade.
Entre os asistentes, o embaixador do xamón Ibérico, Florencio Sanchidrián, quen ofreceu unha cata de chacina de boi.
Unha carne ideal para facer un tartar ou cociñala á brasa.
