Desestiman o recurso de Eusebio Novas Hay, un dos xestores de Hiperxel, que terá que entrar en prisión
Desestiman o recurso de Eusebio Novas Hay, un dos xestores de Hiperxel, que terá que entrar en prisión
O empresario foi condenado a seis meses de cárcere por un delito continuado de falsidade en documento mercantil, pero, debido aos seus antecedentes penais vixentes, "o recurso de apelación debe desestimarse"
A sección quinta da Audiencia Provincial de Pontevedra, con sede en Vigo, desestimou o último recurso interposto pola defensa de Eusebio Novas Hay, un dos xestores da antiga Hiperxel, e ordenou o seu ingreso en prisión.
O empresario foi condenado a seis meses de cárcere por un delito continuado de falsidade en documento mercantil, pero, debido aos seus antecedentes penais vixentes por delitos de defraudación tributaria e de estafa "o recurso de apelación debe desestimarse". Deste xeito, o antigo xestor da crebada Hiperxel terá que entrar no cárcere para executarse a condena, debido a que non cabe recurso.
