A afección de ver o estado das obras

As obras adoitan ser molestas, ruidosas e, ás veces, mesmo desesperantes. Pero tamén teñen o seu público. Unha distracción coa que encher as horas cando nos sobra o tempo. Quizais de aí vén o hábito de tantos xubilados que se entreteñen mirando obras.

Primeiro desde a barreira, despois un pouco máis adiante, e finalmente a pé de obra, para ter unha perspectiva mellor. Sen curiosidade pero con gusto de ver como traballan outros cando un xa non o ten que facer. Tamén os hai, xa xubilados, que se achegan ás obras con interese aínda profesional.