A Academia Galega do Audiovisual anuncia este martes os finalistas aos Premios Mestre Mateo
O anuncio pode seguirse en directo en www.g24.gal a partir das 11:30 horas
O Auditorio Fuxan os Ventos de Lugo acollerá a cerimonia de entrega dos galardóns o vindeiro 21 de marzo
Presentación da gala dos XXIV Premios Mestre Mateo na sede da Deputación de Lugo (Academia Galega do Audiovisual)
A Academia Galega do Audiovisual anuncia este martes a listaxe de obras e profesionais finalistas aos XXIV Premios Mestre Mateo desde o centro sociocultural O Vello Cárcere de Lugo.
A lectura das candidaturas correrá a cargo da actriz Andrea Varela e do presentador de TVG Juan Fuentes, e poderá seguirse en directo en www.g24.gal a partir das 11:30 horas.
A actriz #AndreaVarela e o presentador @JuanFuentes80 desvelarán o martes as obras e profesionais finalistas dos XXIIV #PremiosMestreMateo.
— Academia Galega do Audiovisual (@AcademiaGalegaA) January 30, 2026
📅 Martes 3
🕦 11:30
📍 O Vello Cárcere
📲 En directo nas nosas redes e canle de YouTube#AGADIC @vicedepulugo @TVGalicia @concellodelugo pic.twitter.com/4Ymbb9V3BG
A gala dos Premios Mestre Mateo celebrarase o 21 de marzo no Auditorio Fuxan os Ventos de Lugo e, como antesala, a organización avanzou unha programación de actividades gratuítas estará dispoñible para o público con proxeccións, encontros divulgativos sobre os segredos da organización da gala, unha charla cos presentadores e co Premio de Honra, e a creación do Premio Especial do Público, que permitirá votar pola película favorita.
_Rec.jpg)
