A estrada N-525 volve estar pechada en Verín, Monterrei e Carballeda de Avia
A Garda Civil pide que non se circule pola provincia de Ourense, especialmente pola autovía das Rías Baixas e pola N-525
A vaga de incendios da provincia de Ourense obrigou a cortar tramos de varias estradas na provincia, aínda que mantén a A-52 aberta, con algo de fume no seu paso por Rante, Estivadas, Verín e A Gudiña.
Tal e como informou a Garda Civil, este sábado en concreto está pechada a N-525 entre Estivadas e Verín; a N-120 na Rúa, entre os quilómetros 456 e 469; a subida ao castelo de Monterrei e a N-525 entre os quilómetros 175 e 178, no mesmo municipio. Tamén está cortada a estrada cara á localidade de Rante e as que saen de Carballeda de Avia.
🚔 Magnífica labor de la Agrupación de #Tráfico de la @guardiacivil en apoyo al corte de vías por los #incendios forestales.
— Ministerio del Interior (@interiorgob) August 16, 2025
👮 Abnegación, servicio, compañerismo y amor a #España cada día…
… y especialmente cuando más se les necesita. 🇪🇸
📍 #Ourense pic.twitter.com/qc1ESqrhBw
O 112 informou tamén que os cortes afectan á OU-1018 entre os quilómetros 0 e 2, de Rebordondo a Cualedro.
A mellor decisión: non circular pola provincia a menos que sexa imprescindible
As autoridades piden prudencia, consultar os percorridos alternativos antes de iniciar a viaxe e seguir as indicacións da Garda Civil de Tráfico e dos equipos de emerxencias mentres continúan os labores de extinción dos incendios.
A Garda Civil pide especialmente que non se circule pola provincia de Ourense.
