8.000 mulleres corren contra o cancro de mama na Coruña
A Carreira da Muller chama á investigación e ao diagnóstico precoz
Coruña tinguiuse de rosa. Arredor de 8.000 mulleres saíron a correr contra o cancro de mama.
"Sempre hai moita xente e cada ano máis. É moi agradable ver canta xente se move por isto", di unha corredora.
O cancro de mama afecta a unha de cada oito mulleres ao longo da súa vida. O ano pasado diagnosticáronse máis de 35.800 casos novos en España.
A vencedora da carreira, a altleta valisoletana Ángela Viciosa, felicitábase por participar.
"É un apoio para todas as mulleres. Eu teño aquí a miña nai, que veu de sorpresa. Para min é correr por elas. Encatoume como animaban e todo", afirma a atleta.
A carreira da muller contra o cancro da Coruña caracterízase por congregar participantes de todas as idades.
"Unha carreira popular como é esta é o momento ideal para iniciarse na actividade deportiva", opina unha corredora.
"Non me cansei e volvería correr", asegura unha pequena.
"Esta carreria é a máis divertida das dúas mil carreiras ás que vou", mantén outra participante.
O evento busca impulsar a investigación, o diagnóstico precoz e a ampliación das alternativas terapéuticas tamén fronte ao cancro de mama metastásico, que representa entre un 5 e un 6% dos tumores de mama.
