40 anos da TVG: programas que quedaron instalados na memoria colectiva

Outra pinga de nostalxia rescatada do noso arquivo. Desta volta, repasamos algúns dos programas que pronto quedaron instalados na memoria colectiva. Seguro que xa lles está vindo algún á cabeza.

E é que a TVG empezou a producir programas propios mesmo dende o primeiro ano, 1985. Xa daquela comezaban a sucederse as cabeceiras. Mesturábase na pantalla todo tipo de cultura, da historia escrita ás historias que percorrían cada rueiro.

No 1992 nacía o incombustible Luar, capaz de facer que algunha canción saltara da memoria dos carreiros ás voces da Orquestra Sinfónica de Galicia.

E, ao tempo, asomaba pola pequena pantalla certa actitude punk.