Unha vintena de cans de utilidade poñen a proba as súas aptitudes en Friol

Friol acolle esta fin de semana a celebración do Campionato Rexional Zona Norte de traballo canino, unha proba clasificatoria para a trixésima Copa de España da Real Sociedade Canina (RSCE).

Un total de 21 animais, todos pastores alemáns e belgas malinois, compiten en probas de obediencia, protección e rastrexo no campo de fútbol da Reigosa e na fortaleza de San Paio de Narla.

A modalidade, denominada IGP, vai dirixida a cans de utilidade. Nesta cita no concello lucense participan sete cadelas.