2023, un ano récord en comisos de cocaína en Galicia

2023 foi un ano histórico en comisos de cocaína en Galicia. As forzas de seguridade impediron a entrada e distribución de 21.000 quilos.

Volveron comisar droga en pesqueiros despois de varios anos. 

E a localización do Poseidón, afundido en augas da Arousa, confirmou o uso de submarinos para o transporte.

Pero a loita contra o narcotráfico deixa dous fitos importantes: a desarticulación do maior laboratorio de cocaína en Europa, en Cerdedo-Cotobade, e a detección de grandes alixos ocultos en mercadorías portuarias.

Entre eles os 7.500 quilos de cocaína agochados entre lombos de atún que chegou nun único contedor ata unha empresa de conxelados de Cambre.