Intervidos en Cádiz 3.500 quilos de haxix envoltos coma se fosen laranxas
Os detidos, dúas persoas, deben ingresar en prisión
Operaba cerca da praia do Palmar, en Vejer
A Policía Nacional incautouse de 3.500 quilos de haxix envoltos nun látex que simulaba ser laranxas. Nesta operación detiveron dúas persoas como responsables do delito.
Segundo a Policía Nacional, a investigación comezou cando os axentes tiveron constancia dun desembarco nocturno de estupefacientes.
Coas primeiras pescudas acharon un vehículo todo terreo que facía manobras sospeitosas cerca da praia do Palmar, en Vejer, Cádiz.
Logo, o vehículo contactou con outro tipo rancheira e unha furgoneta, que recibiron os fardos.
Por iso se puxo en marcha un dispositivo policial que rexistrou unha vivenda próxima, a que utilizaban como almacén da mercadoría.
No rexistro interviñeron 30 fardos de estupefacientes nos que se atopaban as bólas de haxix, pastillas desta droga escondidas en bolsas de cacao e 69 garrafas de gasolina, que eran combustible para as embarcacións.
Os detidos foron postos ao dispor xudicial e decretouse o ingreso en prisión para ambos.
.png)
.png)
