"Riquiño" é unha palabra pseudogalega, segundo a Real Academia

A polémica está servida. A Real Academia Galega respondía a dúbida dun usuario en Twitter: Riquiño non é unha palabra en galego?

Ola, @AcademiaGalega: Hoxe descubrín que a palabra "riquiño" non sae no dicionario. Non é unha palabra en galego? Saúdos.

— IsCouF 💙 (@Koalita57554948) September 6, 2022

A resposta foi breve e ben clara: malia a súa popularidade, "riquiño-a" é unha palabra pseudogalega construída a partir dunha acepción castelá da palabra "rico-a". 

O adxectivo ‘riquiño –a’ é unha palabra certamente moi popular, pero que poderiamos chamar ‘pseudogalega’ xa que se forma sobre a palabra castelá ‘rico –a’ co significado de: “dicho especialmente de un niño: bonito y a la vez gracioso, encantador”.

— Real Academia Galega (@AcademiaGalega) September 7, 2022

As reaccións non tardaron en chegar. Dende a sorpresa ata o anoxo e a indignación, varios usuarios e usuarias retrucaron a Academia sinalando o seu desacordo.

Riquiño, non. Que está na fala dende máis de cen anos. Pero aceptades «weltanschauung» , que pasa? que a usamos dende que a trouxo Reckiario e meu homónimo! Mólavos dicir a «weltanschauung» sueva? https://t.co/exL1ximixG

— O Reckila (@Reckila2) September 7, 2022

😳 https://t.co/aT404WBPQm pic.twitter.com/w6sIweBmZr

— Alexandre Ferreiro (@alexfeba) September 7, 2022

A AGAL discrepa coa RAG (de novo)

Pola súa banda, a conta @emgalego, consultorio nesta rede social da Associaçom Galega da Língua, favorable a unha norma escrita reintegrada e conectada coa grafía portuguesa, defendeu a "galeguidade" de riquiño.

A RAG alega que esse RIQUINHO é formado sobre o significado castelhano de “bonito e gracioso”. Porém, em galego tem vários significados, como “querido”, “valioso” ou “agradável”, sobre os que também se pudo criar a palavra. Nom podemos ser categóricas neste caso.

Hoje a RAG informou de que, na sua opiniom, RIQUINHO / RIQUINHA nom é uma palavra galega.

Nós nom concordamos com este critério, e vamos fazer um pequeno fio para explicar porque RIQUINHA / RIQUINHO é, sim, uma palavra galega. 😊 https://t.co/J3vEyCxsQf

— as @emgalego (@emgalego) September 7, 2022