Retómase a actividade no aeroporto da Coruña tras a presenza dun xabaril na pista
A presenza do animal obrigou a desviar varios voos a Santiago, como o de Iberia de Madrid e o de EasyJet de Milán
O xabaril xa foi abatido
O aeroporto da Coruña reabriu tras ser pechado durante dúas horas pola presenza dun xabaril na pista. A presenza do animal obrigou a pechar o aeroporto e, como consecuencia, víronse afectados catro voos e ducias de pasaxeiros.
En concreto, foron desviados dous voos que tiñan como destino A Coruña, un procedente de Madrid e o outro de Milán.
Así mesmo, foron paralizados outros dous voos -un tiña destino Madrid e o outro Barcelona- que, segundo indicaron fontes do aeroporto, xa retomaron a súa actividade despois de que o xabaril fora abatido.
Tamén deu conta da situación no aeroporto da Coruña o comandante do voo de Iberia que debía realizar a ruta entre a capital española e a cidade galega.
De feito toda a pasaxe do voo IB0453 aterrou en Compostela. Un dos pasaxeiros gravou co seu móbil o momento.
