"É a desgraza máis grande que podiamos sufrir", di o alcalde de Cerdedo-Cotobade
Jorge Cubela agradece o incesante traballo dos equipos de rescate para localizar os desaparecidos na traxedia
Ata o lugar desprazáronse mergulladores que rastrexan as beiras do río
O alcalde de Cerdedo-Cotobade, Jorge Cubela, cualificou este domingo o accidente de autobús que deixou catro persoas falecidas e outras tres desaparecidas como "a desgraza máis grande" que podía sufrir o seu municipio.
"É unha traxedia sen paliativos, non hai palabras que describan a mala sorte que houbo esta noite no noso concello", explicou no lugar do accidente.
Agradeceu o intenso traballo dos equipos de rescate para dar coas vítimas e agrada que dea froitos para localizar aos desaparecidos. No lugar traballa un gran dispositivo de emerxencias e os mergulladores rastrexan as beiras do Lérez.
No interior do vehículo, no que ían nove persoas, o condutor e oito pasaxeiros, non queda ningún corpo.
Tamén informou de que as dúas persoas recuperadas con vida, o condutor e unha das ocupantes, están no hospital onde se recuperan de xeito favorable.
