A Feira de Emprego Xuvenil da Coruña pon en contacto 70 empresas con 500 demandantes de emprego

A Feira de Emprego que organizou un ano máis en Palexco e a Cámara de Comercio da Coruña é un acelerador de tempos e de procesos. Un paseo breve por un corredor ofrece a posibilidade de entrar en contacto con 70 empresas, de todos os sectores, e manter nunha mañá entrevistas de traballo con todas as que busquen un perfil similar ao do aspirante. Algúns acoden en grupo con formadores e orientadores para aproveitar mellor o tempo. 

"Temos unha taxa de paro xuvenil elevada e o que estamos tentando é casar eses mozos en paro coas ofertas que hai de emprego por parte das empresas", dixo Manuel Galdo, director xeral da Cámara de Comercio da Coruña.

Houbo medio milleiro de aspirantes, co único requisito de ter menos de 30. Con preferencia para os inscritos no sistema nacional de Garantía Xuvenil. Entre as empresas hai multinacionais, empresas locais e todos os sectores. Está ata o Exército.